Мы жывем у інфармацыйна-акупаванай тэрыторыі, лічыць старшыня ВА "Свабода" Алег Цягнібок

Аб гэтым ён распавёў у Тэрнопалі на сустрэчы зь выбаршчыкамі.

На тэлеканалах дэманструюць выключна расейскія і амэрыканскія фільмы, а адзіны ўкраінскі тыпаж - Верка Сердзючка і хабарнік інспэктар Пятрэнка: "вось на прыкладах якіх куміраў уласьнікі тэлэвізійнае прасторы фармуюць нацыянальную сьвядомасьць моладзі плюс Саша Белы", падкрэсліў А. Цягнібок.

Народны дэпутат падкрэсліў, што праблема ў тым, што каналы наспраўдзі ня зьяўляюцца ўкраінскімі. "Яны належаць Рабіновічу, Суркісам, Раднянскаму... Нават прозвішча не ўкраінскія", - заявіў ён.

На думку Алега Цягнібока, патрэбна вырабляць канкурэнтаздольную аўдзіа, відэапрадукцыю.

Іншай праблемай народны дэпутат лічыць Інтэрнет. Украіна, па ягоным словам, дасель ня мае ўласных, украінамоўных, кампутарных праграмаў.

"Дзіця, якое выхоўваецца ў украінскае школе, расьце ў украінскае сям'і, калі знаёміцца з кампутарам, бачыць, што там практычна няма ўкраінскіх праграмаў. І ў дзіця фармуецца комплекс меньшвартасьці," - падкрэсліў А. Цягнібок

На яго думку, патрэбна пазбаўляць ліцэнзіі тыя сродкі масавай інфармацыі, якія парушваюць моўнае заканадаўства, бэсьцяць нацыянальны гонар украінцаў, пашыраюць дэзынфармацыю, вядуць анціўкраінскую прапаганду.

 "Мы мусім вызваліцца ад гэтай інфармацыйнае акупацыі з боку Расеі", - падкрэсліў А. Цягнібок

5 лютага наодны дэпутат Украіны, старшыня ВА "Свабода" Алег Цягнібок быў у Тэрнопалі. На сустрэчу зь нім у ПК "Беразіль" імя Леся Курбаса прыйшло да 3 тысяч тэрнапальчан.