ВА "Свабода" абяцае, што Україна выйдзе зь складу СНД у выпадку праходжаньня ў Вярхоўную Раду. Аб гэтым гаворыцца ў прадвыбарчай праграме партыі, перадаюць "Украінскія Навіны"

Так сама партыя абяцае вывесьці расейскія войска з Крыму, абясьпечыць прадстаўніцтва ўкраінцаў у ворганах улады ня меньш 78%, павярнуць у пашпарт графу аб "нацыянальнасьці", забараніць прыватызацыю стратэгічных прадпрыемстваў.

Апрача гэтага, партыя мае намер увесьці абавязковую праверку дзяржаўных службоўцаў і кандыдатаў на выбарчыя пасады зь дапамогай "дэтэктару ілжы" па пытаньнях іх прычаснасьці да карупцыі, супрацоўніцтва зь замежнымі сьпецслужбамі і двайным грамадзянстве, правесьці люстрацыю ўлады па прынцыпу "тры К" ("камуністы-кадэбісты-кучмісты"), прыцягнуць да крымінальнае адказнасьці арганізатараў палітычных рэпрэсій, фальсіфікацыі выбараў, сэпаратыскіх і карупцыйных дзеяньняў.

У праграме партыі адзначаецца неабходнасьць правесьці публічны судовы працэс над камунізмам і забараніць ягоную ідэалёгію як людажэрную, ліквідаваць і забараніць выкарыстаньне абразлівых дзеля Ўкраіны імэрска-бальшавіцкіх сымбаляў, помнікаў і назваў, патрабаваць ад Расеі афіцыйнага прабачэньня і кампэнсацыі за гэнацыд украінцаў.

Апрача гэтага, ВА "Свабода" абяцае вызнаць ваякаў Арганізацыі Ўкраінскіх Нацыяналіста і Ўкраінскай Паўстанскае Арміі ўдзельнікамі нацыянальна-вызваленчае барацьбы за езалежнасьць, надаць ім ільготы і кампэнсаваць нявыплаты за 15 год незалежнасьці.

Партыя лічыць неабходным рэгламентаваць украінскую мову ў содках масавай інфармацыі ня меньш за 78%, скасаваць падаткаабкладаньне ўкраінамоўнага выдаўніцтва, аўдыя- і відэа прадукцыі, праграмнага забясьпячэньня, адначасна ўзбуйніць увазное мыта на адпаведную замежную прадукцыю

Апрача гэтага, партыя мае на мэце забясьпечыць ільготныя ўмовы павяртаньня ў краіну этнічных украінцаў, якіх раней прымусова вывезлі альбо прымусілі эміграваць, укласьці двухбаковыя ўгоды аб лягалізацыі ўкраінцаў, якія працуюць за мяжой і стварыць умовы дзеля іхняга павяртаньня на Бацькаўшчыну.

На думку партыі, грамадзянства трэба даваць толькі тым асобам, якія нарадзіліся на Ўкраіне альбо зьяўляюцца этнічнымі ўкраінцамі.